اليوم نهار غير عادي في مدارسنا الابتداءية في كلفة انحاء الوطن.
النقابة تندر وزارة التربية و تلوح بالاضراب العام ؟
بصراحة الموضوع هام برشة ويهم التوانسة الكل.و ماظاهليش فما دار في تونس ما عندهمش واحد من اولادهم يقرا في الابتدائي.
زيد لفت انتباهي الحملة الاعلامية المكثفة الي في التلفزة البارح في الليل و الي جابو فيها و زير التربية و ممثل عن الطرف النقابي و واحد صحافي.
الحاصل ما نطولش عليكم على حسب ما فهمت الوزارة تحب تنحي حركة التنقلات الي يعملوها المعلمين كل عامين و تحبي تقصي الطرف النقابي الي مشرف على شفافية العملية هادي بشهادة الجميع. و تولي الوزارة بصفتها المشغل . تحط المعلم الي يساعدها وين يساعدها هيا . موش كيما تو المعلم الي ياخد بلاصة بصورة نهائية ماعادش تنجم تحلحزو من بلاصتو .
ونزيدكم زيادة . يطالب القضاة منذ سنوات بإجراء حركة نقل في صفوفهم كالتي يتمتع بها المعلمون فلاقتناعهم بأن أي طريقة أخرى لا تضمن المساواة
كما لا تجعل الواحد في مأمن من المحاسبة على قاعدة الموالاة و الأهواء و الأغراض الشخصية.
على كل حال غدا لناظره قريب و انشاء الله غدوة نجيبلكم الرسمي الاضراب نجح و الا لا .