كيف ما يقولو ناس قبل مطر مارس ذهب خالص. على خاطرها عنده دور كبير في تحديد نجاح الموسم الزراعي و بالخصوص الزيتون.

المطر في مساكن و في الساحل الكل تصب من الصباح .انشاء الله ربي يرحمنا و انشاء الله تكون طالع خير على تونس الكل.

المشكلة الوحيدة انو الواحد ما عادش ينجم يطلع من الدار و يمشي 100م الا و يلقى روحو يعوم و يغطس في الحفر متاع الكياسات المعبية بالماء؟ والا تتعدى سيارة مجنونة تخليه منفخ بالماء كي الفلوس آما اذا كان الواحد مشى تحت الحيط غادي فين شاخت عندو يلقى روحو هرب من القاطر جاء تحت الميزاب

هاونا الواحد يولي هالنهارين يطلع الازم في اللازم و يجعلو يمنع . هذا كان ما قصش الضو و رصاتلو الواحد يلوج على الشمع في الظلمة.قعدت حويجة برك انشاء الله ا شركة النقل بالساحل لتتفكرنا غدوة بكار السقف متاعها ما يعديش الماء ماكانش من غير ما نقلقو رواحنا ااواحد تجيه في شوية مصروف زايدة يمشي على لواج خير من الي يوصل للفاك مرنخ بالماء