آش قولكم يا جماعة كان الواحد يقعد من غير بورتابل؟؟

بالنسبة ليا آني ساهل برشة. والدليل انو تو عندي عام كامل من غير بورتابل. تو صحيح انو الواحد يستحق للبورتابل كيف يبدى يخدم والا زادة يبدى يقرى بعيد على دارهم .

الحاصل مانطولش عليكم فديت من كلمة ألوو وينك. وقتاش مروح. شبيك التو…. وهات من هاك الديسك المجروح.والا زادة باش تجي للقهوة اليوم والا ايا نلعبو طريح رامي والا شكبة…والا زادة هاو ابال هاو ميساج ..Ùˆ حل الصرة تلقى خيط…

الواحد وين يتحرك .وين يمشي و هوا شادد بورتابل .حتى ساعات كيف يطلع من الدار و ينساه تلقاه موش نورمال دي تو .برا ادا كان ركب في الكار و الا مشى للسوق تلقا ه شادد القارد خير ما ينحيوهولو ولادالحلال

برا عاد آني مانيش قلوقي بالكل و مانحبش تدريه الخلايق و العوج قررت في مثل هدا اليوم من العام الي تعدى اني نقعد من غير بورتابل.

تو صحيح الأيامات لولانين حسيت روحي موش نورمال .آما امبعد استانست

برا عاد لا عاد نسكر البورتابل وقتلي يبدى فما واحد نا نحبش انكلمو .الي حاجتي بيه نكلمو آني. ..

ما نحكيلكمش كيف واحد نقلو ما عنديش بورتابل يقلي كيفاش ؟؟ آما راهو نورمال ياسر .

وهالأيامات فددوني يحبوني نرجع البورتابل بالخصوص بابا. زعمة آش قولكم؟؟